सिन्धुली ,९– सिन्धुली निर्माण व्यवसायी संघको ९औं जिल्ला अधिवेशन सम्पन्न भएको छ। यस अधिवेशनबाट उद्धव प्रसाद दाहाल नेतृत्वको प्यानलले विजय हासिल गरेको छ। अध्यक्ष पदका लागि भएको प्रतिष्पर्धामा दाहालले १२९ मत प्राप्त गरेका छन् । प्रतिस्पर्धी तुलसीराम श्रेष्ठलाई ४८ मतान्तरले पराजित गरेका हुन्।
जिल्लाभरका निर्माण व्यवसायीहरूको व्यापक सहभागिता रहेको अधिवेशनमा कुल २१० मत खसेको थियो। संघको नेतृत्व चयनका लागि भएको प्रतिस्पर्धामा अध्यक्षसहित प्रमुख पदहरूमा दाहाल प्यानलकै उम्मेदवार विजयी भएका छन्, जसले आगामी कार्यकालमा संघमा दाहाल नेतृत्वको स्पष्ट बहुमत सुनिश्चित गरेको छ। विजय हुनेहरुमा
अध्यक्ष: उद्धव प्रसाद दाहाल प्रथम उपाध्यक्ष: फडिन्द्र पोखरेल (पहाडी) दोस्रो उपाध्यक्ष: दिनेश कुमार दाहाल कोषाध्यक्ष: रुम बहादुर राई सचिव: किरण राज लामा सह–कोषाध्यक्ष: चन्द्रप्रकाश श्रेष्ठ
सदस्यहरुमा: कुशल, दिपक कुमार थापा, धन बहादुर थिङ, मदन बहादुर खड्का, सुर्य बहादुर तामाङ निर्वाचित भएका छन्।
र महिला सरिता राई र सुनिता गजुरेल निर्वाचित भए। जनजातितर्फबाट टेक बहादुर मानन्धर र युग बहादुर योन्जन विजयी भए।
विजयपछि नवनिर्वाचित अध्यक्ष उद्धव प्रसाद दाहालले संघलाई संस्थागत, पारदर्शी र सशक्त बनाउने प्रतिवद्धता व्यक्त गरेका छन्। उनले भने, “निर्माण व्यवसायीहरूको हकहित सुनिश्चित गर्दै, गुणस्तरीय निर्माण प्रवर्द्धनमा संघलाई अग्रणी बनाउने हाम्रो प्राथमिकता हुनेछ। सबै सदस्यहरूको सुझाव र सहकार्यले मात्र यस लक्ष्यलाई पुरा गर्न सकिन्छ।”
दाहालले निर्वाचनमा प्रतिस्पर्धा गरेका उम्मेदवार र समर्थकप्रति पनि धन्यवाद ज्ञापन गर्दै आगामी कार्यकाल सबैको सहयोग र सहभागिताले सफल हुने विश्वास व्यक्त गरे।
यसअघि भएको आठौं अधिवेशनपछि संघमा नेतृत्व परिवर्तनको अपेक्षा रहेको थियो। यसपटकको अधिवेशनमा नयाँ नेतृत्व चयनसँगै संघले आगामी दिनमा जिल्लाको निर्माण व्यवसायलाई अझ व्यवस्थित, दिगो र पारदर्शी बनाउन योगदान पुर्याउने अपेक्षा गरिएको छ।
विजयी भएपछि नवनिर्वाचित अध्यक्ष उद्धव प्रसाद दाहालले संघलाई संगठनात्मक रूपमा सशक्त बनाउने, निर्माण क्षेत्रमा देखिएका समस्या समाधान गर्न आवाज उठाउने र सदस्यहरूको हितमा योजनाबद्ध गतिविधि अघि बढाउने प्रतिबद्धता जनाए। उनले भने,
“निर्माण व्यवसायीहरूको व्यावसायिक हकहित संरक्षण हाम्रो प्राथमिकता हो। हामी संघलाई पारदर्शी, सक्षम र सबै सदस्यको साझा मञ्चका रूपमा स्थापित गर्न निरन्तर प्रयास गर्नेछौं।”
उनले निर्वाचनमा प्रतिस्पर्धा गर्ने उम्मेदवार, मतदाता तथा सहयोगी सबैलाई आभार व्यक्त गर्दै आगामी दिनमा सबैको एकताले मात्रै संघलाई सफलतामा पुर्याउन सकिने बताए।
यसअघि भएको आठौं अधिवेशनपश्चात नेतृत्व परिवर्तनको अपेक्षामा रहेका सदस्यहरू यसपटकको परिणामप्रति उत्साहित देखिएका छन्। नयाँ नेतृत्वबाट जिल्लाको निर्माण क्षेत्रलाई अझ व्यवस्थित, पारदर्शी र दिगो बनाउन योगदान पुर्याउने अपेक्षा गरिएको छ।
