सिन्धुली, असार ८– चितवनको खैरहनी नगरपालिका–१ स्थित पूर्व–पश्चिम राजमार्गमा भएको यात्रुवाहक बस र ईभी माइक्रोबस (इलेक्ट्रिक भ्यान) बीचको भीषण ठोक्किँदा ७ जनाको मृत्यु भएको छ भने २५ जना घाइते भएका छन्।
दुर्घटना शनिबार बिहान करिब ५:३० बजेको समयमा भएको हो। काठमाडौंबाट बुटवल जाँदै गरेको ना ५ ख ५३८० नम्बरको यात्रुवाहक बस र विपरीत दिशाबाट आइरहेको प्रदेश ३–०१–००१ च ४७५२ नम्बरको ईभी माइक्रोबस एकआपसमा ठोक्किएका थिए।
चितवन जिल्ला प्रहरी कार्यालयका अनुसार, मृत्यु हुनेमध्ये चार पुरुष, दुई महिला र एक बालक छन्। मृतकको सनाखत हुन बाँकी छ। घाइतेहरूलाई चितवन मेडिकल कलेज, पुरानो मेडिकल र भरतपुर अस्पतालमा उपचारका लागि पठाइएको छ।
दुर्घटनापछि ईभी माइक्रोबसका चालक गम्भीर घाइते भएका छन् भने बसका चालकलाई प्रहरीले नियन्त्रणमा लिएको छ। घटनास्थलमा प्रहरी र सशस्त्र प्रहरीको टोली खटिएको छ।
घटनाबारे थप अनुसन्धान जारी रहेको प्रहरीले जनाएको छ। चितवनमा यस्ता ठूला दुर्घटनाहरू बारम्बार दोहोरिइरहेकाले सडक सुरक्षाको विषय फेरि बहसको केन्द्र बनेको छ। (फोटो चितवन पोष्टबाटlसाभार)
