सिन्धुलीको घ्याङलेखमा नेपाल एसबीआई बैंक लुटपाट — योजनाकार घरधनी छवि लाल स्याङतान मुख्य संलग्नता

सिन्धुली जिल्लाकोघ्याङलेख गाउँपालिका–२, बस्तीपुर हायुटारस्थित नेपाल एसबीआई बैंक शाखा कार्यालयमा मंगलबार साँझ नकाबधारी दलले संगठित रूपमा ठूलो लुटपाट गरेको घटना प्रहरी पुष्टि गर्दै आएको छ।स्थानीय समयअनुसार २०८२ पुष २९ गतेसाँझ करिब ८:४० बजे बैंकभित्र प्रवेश गरिएका लुटेराहरूले सुरक्षागार्ड र कर्मचारीहरूलाई नियन्त्रणमा लिएर ठूलो परिमाणमा नगद रकम चोरी गरेका थिए।

घटना भएको राति समूहले बैंकका सुरक्षागार्ड तथा कर्मचारीलाई पहिलो चरणमा खुकुरी र नकाबजस्तो सामाग्री देखाएर डर देखाएका थिए, र त्यसपछि हातखुट्टा बाँधेर क्यास सेफ खोल्न लगाइयो। बैंकभित्र राखिएको ठूलो रकम भल्टबाट निकालेर बोरा भित्र हालेर जंगलतर्फ भागेको प्रारम्भिक अनुसन्धानले देखाएको छ।

पक्राउ परेका व्यक्तिहरू बीच घ्याङलेख–२ का ४४ वर्षीय छवि लाल स्याङतान को नाम सबैभन्दा महत्वपूर्ण देखिन्छ। प्रहरीले पत्रकार सम्मेलनमार्फत जानकारी दिएअनुसार स्याङतान बैङक राखीएको घरको  घरधनी (घरबेटी)  बताइएको छ । छवीलाल नै यस योजनाको अग्रपंक्तिमा रहँदै यस अपराध रचिएको हो भन्ने खुलेको छ । आफूसँगको प्रांगण र स्थानीय बस्तीसम्बन्धी सूचनाबाट लुटेरा समूहलाई दिन सहयोग तथा योजना रचना गर्न मद्दत गरेको पुलिस स्रोतले उल्लेख गरेको छ।

प्रहरीका अनुसार बैंक लुट्ने योजना असोज महिनादेखि नै सुरु भएको थियो र सोही अवधिदेखि  लुटेराहरू पटक–पटक योजना बनाउन र नगद रकम पहुँच गर्ने तयारीमा रहेको प्रहरीको अनुसन्धानबाट खलेको छ।

यसैबीच प्रहरीले सोही घटनासँग सम्बन्धित ७ जना आरोपितलाई पक्राउ गरी सार्वजनिक गरेको छ, जसमा काभ्रेपलाञ्चोकको बनेपाबाट आएको सुमो चालक, भरतपुर–चितवनका रहेका छन् । पक्राउ परेकाहरूको जसमा भागवत सिंह थापा, चतुरमान बज्यु, शशांक श्रेष्ठ, मिलन गिरी, विवेक मगर, छवि लाल स्याङतान र एक नाबालक रहेका छन्।

पक्राउका क्रममा प्रहरीले टाटा सुमो (बा ०३९८) र चालकलाई पनि नियन्त्रणमा लिएको थियो र प्रारम्भिक सोधपुछमा चालकले उक्त सूमोलाई विवाहको बहानामा भाडाको गाडी झुक्याएर आएको बताइएको छ । लुटिएको रकमको बारेमा विभिन्न रिपोर्टहरूमा करीब ३ करोड १० लाखदेखि ३ करोड ७ लाख रुपैयाँसम्म हुन सक्ने अनुमान  भएको कआएको छ, र आफ्नो खोजी तथा अनुसन्धानका क्रममा प्रहरीले अहिलेसम्म करीब २ करोड ६८ लाख रुपैयाँ बरामद गरेको समेत बताइएको छ। त्यस्तै नक्कली प्लास्टिकको पेस्तोल, केही खुकुरी, नकाब र अन्य उपयोगी उपकरण बरामद भएको प्रहरीले सार्वजनिक गरेको छ।

स्थानीय बासिन्दा तथा बैंकका ग्यारेडका परिवारहरू यस घटनापछि गहिरो आत्तिएको प्रतिक्रिया दिएका छन्। बैंक जस्तो संवेदनशील संस्थामा अक्टोबर महिनादेखि नै योजना चलाइएका लुटपाटले स्थानीय सुरक्षाको कमीलाई उजागर गरेको छ र बैंकहरूको सुरक्षा व्यवस्थामा पुन: समिक्षा आवश्यक रहेको स्थानिय तथा सुरक्षा समीक्षकहरूले बताएका छन्।

प्रहरीले घटनास्थलबाट बरामद रकम तथा सामग्रीहरूबाहेक फरार रहेका अन्य लुटेरा समूहका सदस्यहरूको खोजी जारी राखेको जनाएको छ। छवि लाल स्याङतान लगायत पक्राउ परेकाहरूप्रति शङ्का, चोरी तथा डाँकासम्बन्धी कसूरमा अनुसन्धान चलिरहेको प्रहरी प्रमुखले जनाएका छन्।

यसैगरी, स्थानीय सुरक्षागार्डको उपचार भइरहेको छ र बैंकका अन्य कर्मचारीहरूलाई पनि घटनापछि सुरक्षित स्थानमा राखिएको छ। घटनाले बैंकिङ प्रणालीमा भ्रष्टाचारसँगै आन्तरिक सुरक्षा व्यवस्थाप्रति प्रश्न खडा गरेको छ, जसलाई सरकार र बैंकहरू दुवैले गम्भीरता साथ हेर्न आवश्यक रहेको विश्लेषकहरूको भनाइ छ।